MİKROBİOLOGİYA

Mikrobiologiya mikroorqanizmlərin (bakteriyalar, viruslar, göbələklər, protozoa və parazitlər kimi) quruluşunu, funksiyalarını, qarşılıqlı əlaqələrini və xəstəlik törətmə mexanizmlərini öyrənən bir elm sahəsidir. Mikroorqanizmlər adətən gözlə görünməyən canlılardır, lakin sağlamlığa böyük təsir göstərirlər. Mikrobiologiya infeksiya xəstəliklərinin diaqnozunda, müalicəsində və qarşısının alınmasında mühüm rol oynayır.

Mikrobiologiya Testləri, bədəndə infeksiya yaradan mikroorqanizmləri aşkar etmək və bu infeksiyaları düzgün şəkildə müalicə etmək məqsədilə istifadə olunur. Bu testlər qan, sidik, bəlğəm, nəcislə və digər bədən mayelərindən nümunələr götürərək mikrobların varlığını və növünü müəyyən edir. Həmçinin, antibiotik həssaslıq testləri infeksiyaların hansı dərmanlara qarşı effektiv olduğunu göstərir. Mikrobiologiya testləri bakterial, viral, göbələk və parazitik infeksiyaların diaqnozunda istifadə olunur və səhiyyə xidmətlərində kritik rol oynayır.